هلت علينا وانورت يوم دخلت المنتدى
امطرت واسفرت سمانا وسماك خالفاتٍ عليك إلا تسجل بمنتدانا وتشاركنا افراحنا
ياهلا وغلا


بعض الاشخاص يصنعون لك السعاده والبعض الاخر هم السعاده نفسها
 
الرئيسيةالبوابة*س .و .جالأعضاءالمجموعاتالتسجيلدخول

شاطر | 
 

 )) خطوات عمليه لكتابه الشعر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نبيل عايض
عضو جديد


ذكر عدد الرسائل : 205
العمر : 31
تاريخ التسجيل : 13/07/2008

مُساهمةموضوع: )) خطوات عمليه لكتابه الشعر   السبت 10 يناير 2009, 4:59 pm

)) خطوات عمليه لكتابه الشعر

ــــــــــــــــــــــــــــــ

خطوات عمليه لكتابه الشعر

تنويه في البدايه انه هالموضوع رقم ثلاثه

يعني لاتطمر وتقرا هالموضوع وانت ماقريت الموضوعين اللي قبله

لان هالموضوع بروحه ماراح يكون مفيد ولاله اي قيمه

ــــــــــــــــــــ

الموضوع : ( وراح اختصر قد ما اقدر )


في الموضوعين اللي قبل عرفنا شلون نكتب شعر
( هذا المفروض يكون )


!!!!!

بس كل اللي فات كلام نظري

يعني نظريا صح

يفترض بان اللي طبق الكلام في الموضوع الاول والثاني
خلاص صار يكتب شعر

بس هالكلام لازال نظري !!؟؟!

انا ابي فعليا لما امسك قلم واكون ناوي اكتب شعر
هل راح اقدر اكتب شعر ؟!؟!؟!؟!؟

نعم تقدر Smile

وهذا هو موضوعنا هالمره

واهو خطوات عمليه لكتابة الشعر
( وانا بطبيعة الحال افترض انك خلاص استوعبت اللي بالموضوعين اللي قبل )

خلنا اول شي نتفق علي هالامر واللي اهو

ان القصيده قسمين


1-الفكره (خمسين بالميه )

2- الصياغه والوزن والقافيه و .......الخ ( خمسين بالميه )

!!!!


هذا اللي انا شايفه Smile

مسألة الفكره ما اقدر اسوي فيها شي
هذي ترجع لك انت
وترجع لحياتك وترجع للموضوع اللي تبيه
(وراح اتكلم عنها بموضوع مستقل انشاء الله)


ولكن الامور الثانيه ممكن نتعامل وياها

ــــــــــــــــــــــــــــــــــــــــــــــــــ ـــــــــــــــ
الكتابه العمليه للشعر

وهالموضوع راح نقسمه لمرحلتين


1- الاستعداد والتدريب

2- مباشرة الكتابه

ـــــــــــــــــ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نبيل عايض
عضو جديد


ذكر عدد الرسائل : 205
العمر : 31
تاريخ التسجيل : 13/07/2008

مُساهمةموضوع: رد: )) خطوات عمليه لكتابه الشعر   السبت 10 يناير 2009, 5:03 pm


المرحله الاولي:

1- الاستعداد والتدريب

لما تبي تلقي محاضره او درس عن القدس مثلا
لازم تقرا تاريخ القدس
وتقرا السياسه وتجهز امورك ..... صح ؟!!!؟؟!


قبل لانكتب

ياليت اتحاول قد ماتقدر تسوي هالامور :

1 - اقرا شعر فصيح
( اول شي لاحمد شوقي والشعراء اللي عاصروه وبعدين اقرا المعلقات حتا لو مافهمتها )

2 - اقرا واسمع لهالشعراء
(خلف العتيبي - سليمان الهويدي - خالد الفيصل - محمدبن راشد المكتوم - سعود بن بندر - عبدالله الفيصل - مرشد البذال - طلال السعيد )
بس هذولا وانا مختارهم بالذات متعمد مو معناتها مافيه غيرهم لا فيه
و يمكن افضل بس ابيك تسمع كلامي
واعتمدSmile
وارجووووك
اترك شعراء هاليومين لانهم راح يخربون مستواك
( شعراء هاليومين ذبحونا بهالكلام
نعنبوها ونعنبو جدها ويلعن خيرها والله ياخذ خالتها....
مادري أي غزل كله شتايم
شوي ويقولون يابنت ...... المهم )

3- درب نفسك علي كتابة الشعر !!

شلون ؟!
انا اعطيك هالطريقه وحاول تسويها

اختار اي بيت شعر وحاول تكتب علي نفس منواله

وعلشان تسهل الامر علي نفسك
اكتب الكلمات اللي تخدم قافيتك براس الصفحه عشان تكون حاضره قدامك

مثال :
والبيت لسعود بن بندر الله يرحمه


ياليتني بينـك وبيـن المضـره
من غزة الشوكه الي سكرة الموت


براس الصفحه اكتب الكلمات اللي تساعدك

مضره : مسره - مبره - جره - مره - مجره .......الخ

موت : فوت - صوت - حوت - قوت - مكبوت - .........الخ

واقعد ركب Smile

ناديتلـك ياغايتـي الـف مــره
وان فات فينا الفوت ماينفع الصوت

ماشفت ياعمري بعمـري مسـره
والضيم فيني طول الازمان مكبوت

وهلم جره

تحدى نفسك بالكتابه وحاول تكتب 4 او 5 ابيات نفسه
واذا خلصت اختار بيت غيره واكتب علي شاكلته
( وكرر هالعمليه لان الممارسه مهمه)

ـــــــــــــــــــــــــــــ

المرحله الثانيه :

قول باسم الله Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نبيل عايض
عضو جديد


ذكر عدد الرسائل : 205
العمر : 31
تاريخ التسجيل : 13/07/2008

مُساهمةموضوع: رد: )) خطوات عمليه لكتابه الشعر   السبت 10 يناير 2009, 5:05 pm

قبل لاتبدأ

- تاكد انك اذا لقيت الفكره ف خمسين بالميه من القصيده خلص

- حط في بالك ان الكتابه امرها سهل مو شي معقد

- اعتقد وامن بانك تقدر تكتب شعر

- تأكد ان المساله مو الهام او وحي ينزل عليك

كل المساله حاله من الاستعداد الذهني والنفسي والعاطفي
فهيئ الجو المناسب للكتابه بعدين راح تلقا الامر عادي
يعني جو الهدوء والمكان الحلو والبراد ...

وصدقني مساله الجو المناسب بعدين تصير مالها داعي
يعني انا
ما اكتب الا وعندي ناس مزعجين يسولفون
او وانا اطالع مباراة كره قدم Smile

المهم

صل علي النبي

2- مباشرة الكتابه

أ - الكتابه الاوليه
ب - تعديل المعاني
ج - ضبط القافيه
د - ضبط الوزن
ه -اعتماد القصيده


وراح نتكلم عن كل نقطه بروح :

أ - الكتابه الاوليه
(اكتب بالفكره اللي تبيها و لاتعقد الامور
ولا تركز حيل علي المعاني لكن حاول تكتب اللي في بالك
وحاول تسترسل قد ماتقدر
وكثر ماتستبسط الامر راح تلقاه بسيط )

(قول بسيطه ماتستبسطهاش) ===>> مالها شغل بالموضوع Smile


ب - تعديل المعاني
( يعني مثلا لاتذكر المؤنث او تأنث المذكر ولاتجمع المفرد او تثني الجمع
وانتبه للمعني اللي انت كتبته مو المعني اللي في بالك ) Smile

ج - ضبط القافيه
( والقافيه تكون من حرفين او ثلاثه في الغالب
وانتبه للتشكيل
مثلا كلمه يختلف بكسر اللام وكلمة اختلف بفتح اللام !!
صحيح ان اخر ثلاث حروف نفس الشي بس التشكيل للحرف اللي قبل الاخير عفس الدنيا وخلاهم مايضبطون .
و ممكن تتبع الطريقه اللي قبل شوي
انك تكتب الكلمات اللي تساعدك براس الصفحه وتستخدم هالكلمات )

د - ظبط الوزن
( مسالة ظبط الوزن راح تكتسبها مع الممارسه
لكن الحين حاول تغنيها بنفس اللحن راح تجي معاك
و بالموضوع الاول سولفنا عنها وراح انتوسع فيه مستقبلا اذا الله اراد )

ه -اعتماد القصيده
( اذا كتبت قصيده واعجبتك اكتبها وانساها علي الاقل اسبوع وبعد الاسبوع اقراها
طبق هالمسأله ولا راح تندم صدقني )

ــــــــــــــــــــــــــــــــــــ

وانت تكتب

- حاول تبتعد عن القوافي الصعبه لانها راح تاذيك

- ولاتستعجل مسالة اتقان الوزن كل شي بالممارسه

بعد ماتكتب

- ابحث عن اخطاءك وانقد نفسك بنفسك

- قارن أي قصيده تكتبها بقصيده مشابهه لها

- اعرض محاولاتك علي ناس تثق انهم ينصحونك ولاتزعل من النقد
ومو بالضروره ان اللي ينقدك شاعر يكفي أي متذوق للشعر انه ينقدك
اهم شي يكون صادق

(وللعلم النقد فيه بناء وفيه غير بناء
البناء هو اللي يقولك عندك خطا كذا وكذا ويبين شنو الخطا ووين صايراذا قدر
والغير بناء اهو اللي يقولك انت عندك اخطاء
ولايقول شنو او يقول لا فيها نواقص ولا يبين او يقول شنو هالنواقص )


شوف Smile

القصيده اساسها الفكره

فاذا الفكره اخذت 4 ابيات في التعبير عنها

ف هالاربعه كفايه مو بالظروره اتمطط الفكره عشان اتصير طويله

عط كل شي قدره
ياما ابيات مفرده وبروحها تسوالها قصايد من مية بيت

ومسالة الفكره يبيلها موضوع كامل بروح Smile

(انشاء الله

ـــــــــــــــــــــــــــــــــــــــــــــــــ

سامحوني علي التقصير وعلي تشعب الموضوع

واذا فيه اي شي مو واضح اتمني احد يقولي Smile

انا حاضر لاي تساؤل او سوال او اقتراح ممكن افيد او استفيد منه

( بالنهايه هذا اجتهاد يحتمل الصواب ويحتمل الخطأ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بلال الحطامي
المدير العام
المدير العام
avatar

ذكر عدد الرسائل : 1035
العمر : 29
الموقع : موقع منتديات قادة المستقبل
العمل/الترفيه : طالب
الإقامة : صنعاء
تاريخ التسجيل : 10/07/2008

مُساهمةموضوع: رد: )) خطوات عمليه لكتابه الشعر   السبت 24 يناير 2009, 1:25 am

مشكووووووووور
استاذ نبيل
ما قصرت
جزاك الله خير

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://qadh.yoo7.com
 
)) خطوات عمليه لكتابه الشعر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الاقسام الادبيه :: قسم الشعر-
انتقل الى: